Basa Tegal, why not ......?

Sasuwene maca  website (basa tegale website apa , ya ?) durung nemu sing tulisane nggango basa Tegal. Sing wis umum ta basa Indonesia utawane basa Londo tane di lihna maring basa sing dingerteni sing maca nganggo piranti mbah gugel.

Wong nyong asli leluhure wong  Tegal ndeles, ema  bapa asli turunan  Tegal dadine ya nyacak nulis plataran  elektronik Tegalan eben  tetep eling karo basa leluhur sing dinggo ema bapa embah buyute nyong lagi mbiyen.  Saiki be basa Tegal  wis jarang  di trapna maring bocah-bocah sing jebrol taun  90 mene. Embuh kuwe alasene .... soale nyong dewek ora tau takon maing wong tuane.

Kayonge pada ngrasa  minder apa ya kari nganggo basa Tegal. Padahal ya basa Tegal kae salah sijine corak basa Jawa sing tetep nduweni tata krama luhur. Iya o pijar basa Tegal  kuwe kari maring wong tua  ya tetep dahar dudu mangan belih.

Tau nyong nduwe kanca wong wetan, maksude  wong Semarang, Purwodadi,Surabaya, dudu wetan kali his ..............,sing naksir jakwir tapi barang krunggu suarane  tane mengkered. Eeeeee ..........durung ngarti kae bocah yah ...

Apa maning Tegal nduweni potensi sing  wis dikenal kekuatane , apa maning  kari dudu warung Tegal.  Coba o sih titeni tau  sampeyan menangi  warung Banyumas, warung  Semarang, warung Brebes , warung Pekalongan ......? Laka oya ... ana ya paling  soto banyumas , ndog asin brebes batik pekalongan. Toli ya sing arane basa Tegal kuwe sing nganggo ya wong Brebes, Tegal,  Slawi, pokoke awit  Pemalang ngulon.

Sejatine wong Tegal kiye apikan nemen koh ( ngalem dewek keh ), ora sombong  toli yen di sawang saya suwe saya  dadi manise.  Lha pimen ora apik atine wong kari dodol  sega be murah nemen ,sanajan sing tuku piyayi  kari  sega rames  rendang ndog mung larang-larange pitung ewu, dijamin  wareg toli kringeten megap-megap pedesen. Kaya kuwe be  sing dodol pada sugih umahe magrong-magrong. Mulane saiki akeh dudu wong Tegal asli pada mbuka  warung Tegal sing  di jamin  BMW  bar mangan wareg.

Kanggo sedulur kabeh  asli Tegal sing saiki  urip luruh pangan neng sa ambane jagag tulung aja klalen karo basa Tegal, basa leluhure dewek , mbokan kari sinau  basa  Tegal kiye kudu ng  Leiden. Poma rong poma aja nganti kaya kuwe ya , kulup ....